Mei Liadabuach - Loss mi ned so unvaschdaundn sei!

Das ist die Seite von Gustav Freudmann / Mei Liadabuach

Loss mi ned so unvaschdaundn sei!

(Don't let me be Misunderstood/Animals nach Nina Simone)

Madl, kaunnsd mi wiagli ned vaschdeh?
Maunchmoi bin i hoid a bissl bled.
Oba glaub ma, es kaunn kana
ollaweu a Engal sei
und grod waunns debpad rennd, daunn kaunn is ned.

I maans do nua guad und wü nix Beses dabei.
Hea im Himme, loss mi ned so unvaschdaundn sei!

Madl, maunchmoi scheiß i mi hoid so goa nix
und hob mein Schbaaß, des kaunn a jeda seng.
Und maunchmoi wieda schauds so aus
wia waunn mi ollas gifdn dad
und waunns ma so gehd kaunnsd mi hoid ned meng.

I maans do nua guad und wü nix Beses dabei.
Hea im Himme, loss mi ned so unvaschdaundn sei!

Waunn i so wualad bin, dengst bidtschee imma drau,
i mechad do ned, dossd fia mi in Blidsobleidta schbühsd.
Es Lebn mochd wos wü mid uns und schengd ma gaunds schee ei,
oba glaub ma, i mechd goa nix duan, dess wosd ned wüsd.

Weu i schdeh auf di...

Madl, i bin do nua_r_a Mensch, wia olle aundan,
glaubsd wiagli, in mein Hian gehds aundas zua?
Jo, maunchmoi, do bin i so allaa
und häd eam gean ned dau,
in Bledsinn, wos i leida imma dua.

I maans do nua guad und wü nix Beses dabei.
Hea im Himme, loss mi ned so unvaschdaundn sei!

Jo, i maans do nua guad und wü nix Beses dabei.
Hea im Himme, loss mi ned so unvaschdaundn sei!

Jo, i maans do nua guad und wü nix Beses dabei.
Hea im Himme, loss mi ned so unvaschdaundn sei!

Jo, i maans do nua guad und wü nix Beses dabei.
Hea im Himme, loss mi ned so unvaschdaundn sei!